АСТАНА. KAZINFORM — Қазақстандық теннисші Жібек Құламбаева жұптық сында Мадрид (Испания) ITF W100 турнирінің финалына жолдама алды.
Жарыстың 3-ракеткалары Ж.Құламбаева мен италиялық Николь Фосса-Уэрго жартылай финалда Алжир өкілі Инес Иббоу — нидерландылық Бибиана Схоофспен шеберлік байқасты.
Қазақстандық-италиялық жұп 6:2, 6:3 есебімен жеңіске жетті.
Бәсеке 1 сағаттан сәл астам уақытқа созылды.
Ж.Құламбаева — Н.Фосса-Уэрго финалда испаниялықтар Марина Бассольс — Андреа Лазаро Гарсиямен бас жүлдені сарапқа салады. Бұл дуэт ұлыбританиялық Мадлен Брукс — ресейлік Алина Чараеваны жолдан тайдырды — 7:5, 6:3.
Еске сала кетейік, бұдан бұрын Жібек Құламбаева Мадридтегі жарыстың жартылай финалына жолдама алғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).