АСТАНА. KAZINFORM — Қазақстандық теннисші Жібек Құламбаева жұптық сында Лозада (Португалия) ITF W35 турнирінің жартылай финалына жолдама алды.
Қазақстандық теннисші Беларусь өкілі Юлия Хатукамен бірге ширек финалда жарыстың 1-ракеткалары, америкалық Джида Дэниэл — бурундилік Сада Нахиманамен шеберлік байқасты.
Бірінші партияда қазақстандық-белоруссиялық жұп 4:1 есебімен алда тұрғанда, қарсыластары матчты жалғастырудан бас тартты.
Жібек Құламбаева — Юлия Хатука финалға шығу үшін испаниялық Андреа Лазаро Гарсия — франциялық Ясмин Мансуримен таласады.
Жекелей сында әлемдік рейтингіде 334-орында тұрған Ж.Құламбаева бастапқыда ирандық Сана Гараканиді 6:3, 6:1 есебімен ұтты. Алайда 1/8 финалда рейтингіде 379-сатыдағы германиялық Катарина Хобгарскиге есе жіберді — 2:6, 0:6.
Еске сала кетейік, бұдан бұрын Денис Евсеевтің Испанияда қарсыласын ойсырата ұтып, ширек финалға шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).