АСТАНА. KAZINFORM — Қазақстандық теннисші Жібек Құламбаева жұптық сында Яссы (Румыния) WTA 250 турнирінің жартылай финалына шықты.
Қазақстандық теннисші армениялық Алина Чараевамен бірге ширек финалда ресейлік Алевтина Ибрагимова — испаниялық Георгина Гарсия-Перестің мысын басты.
Бірінші партияда қазақстандық-армениялық дуэт 6:2 есебімен басымдылық танытты.
Екінші сетте де олар есесін бермеді – 7:5.
Бір сағат 17 минутқа созылған бәсекеде Құламбаева – Чараева 1 эйспен бірге 10 брейк-пойнттың алтауын құр жіберген жоқ. Ибрагимова – Гарсия-Перес 3 брейкпен (4 брейк-пойнт) шектелді.
Жібек Құламбаева – Алина Чараева финалға шығу үшін жарыстың 1-ракеткалары, бельгиялық Магали Кемпен – ресейлік Александра Пановамен таласады.
Еске сала кетейік, бұдан бұрын Жібек Құламбаеваының жұптық сында Румыниядағы жарысты жалғастыратынын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).