АСТАНА. KAZINFORM - Қазақстандық теннисші, әлемнің 306-ракеткасы Жібек Құламбаева Курсумлийска Баня (Сербия) ITF W15 турнирінің финалына шықты.
Доданың бірінші ракеткасы болып тіркелген қазақстандық теннисші жартылай финалда дүниежүзілік рейтингіде 695-орында тұрған ресейлік Милана Жабраиловамен шеберлік байқасты.
Бірінші партия аса тартысты өтіп, тай-брейкте Жібек таразы басын аудара білді - 7:6 (7:3).
Екінші сетте Құламбаева 4:0 есебімен алға кетті. Ақыры матчты жеңіспен түйіндеді - 6:1.
Матч екі сағаттан астам уақытқа созылды.
Жібек Құламбаева финалда чилилік Антония Вергара Ривера немесе сербиялық Драганья Вуковичтің қай жеңгенімен кездеседі.
Еске сала кетейік, бұдан бұрын Жібек Құламбаеваның Сербиядағы турнирдің жартылай финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).