АСТАНА. KAZINFORM – Қазақстандық, әлемнің 306-ракеткасы Жібек Құламбаева Курсумлийска Баня (Сербия) ITF W15 турнирінің ширек финалына жолдама алды.
Жарыстың 1-ракеткасы болып тіркелген қазақстандық теннисші алдымен сербиялық Александра Джокичті 6:0, 6:3 есебімен ойсырата ұтты.
Екінші айналымда рейтингіде 1319-орында тұрған чехиялық Люси Урбановамен ойнады.
Жібек 6:1, 1:0 есебімен жеңіп жатқан кезде чехиялық спортшы матчты жалғастырудан бас тартты.
Жібек Құламбаева жартылай финалға шығу үшін рейтингіде 768-сатыдағы босниялық Суана Тукаковичпен таласады.
Еске сала кетейік, бұдан бұрын Зарина Диястың Испаниядағы тағы бір турнирді жеңіспен бастағанын жазған едік.
Сондай-ақ Бейбіт Жұқаев алғаш рет Уимблдон турниріне жолдама алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).