ОРАЛ. KAZINFORM – Қазақстандық теннисші, әлемнің 294-ракеткасы Жібек Құламбаева Куршумлийска Баня (Сербия) ITF W35 турнирінің 1/8 айналымына шықты.
Жарыстың 4-ракеткасы болып тіркелген қазақстандық теннисші жекелей сында ресейлік Дарья Садыковамен шеберлік байқасты.
Жібек бірінші партияда 4:6 есебімен есе жіберсе де, камбэк жасай білді – 6:2, 6:3.
Тартысты бәсеке 2 сағат 19 минутқа созылды.
Жібек Құламбаева ширек финалға шығу үшін әлемнің 516-ракеткасы, Польша өкілі Даря Кучер немесе рейтингіде 776-орындағы даниялық Ребекка Мунк-Мортенсеннің қай жеңгенімен таласады.
Тағы бір қазақстандық, рейтингіде 325-сатыдағы Денис Евсеев Бонн (Германия) челленджер турнирінің алғашқы айналымында әлемнің 191-ракеткасы, швейцариялық Жером Кимнан 2:6, 4:6 есебімен жеңіліс тапты.
Еске сала кетейік, бұдан бұрын Бейбіт Жұқаевтың Чикаго турнирінде қарсыласын камбэкпен жеңгенін жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).