ОРАЛ. KAZINFORM – Қазақстандық теннисші, әлемнің 337-ракеткасы Жібек Құламбаева Сербияда өтіп жатқан ITF W75 турнирінің жартылай финалына өтті.
Жүлде қоры 60 мың долларға бағаланған жарыстың 7-ракеткасы болып тіркелген қазақстандық теннисші ширек финалда рейтингіде 369-орындағы мальталық Франческа Курмиден айласын асырды.
Бірінші партияда Жібек 6:4 есебімен басым түсті. Екіншісінде Курми қарымта қайырды – 6:2. Үшінші, шешуші сетте Құламбаева сәтті ойнады – 6:2.
Тартысты бәсеке 2 сағат 14 минутқа созылды.
Жібек финалға шығу үшін әлемнің 242-ракеткасы, ресейлік Алина Чараева немесе рейтингіде 282-сатыдағы болгариялық Лия Каратанчеваның қай жеңгенімен таласады.
Ж.Құламбаева сонымен қатар жұптық сында ұлыбританиялық Фрея Кристимен бірге сәтті өнер көрсетіп жатыр. Екеуі бүгін ресейлік Анастасия Тихонова – ұлыбританиялық Эден Сильваны жеңсе, финалға шығады.
Еске сала кетейік, бұдан бұрын Жібек Құламбаеваның Сербиядағы турнирдің ширек финалына жолдама алғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).