Қазақстандық Жібек Құламбаева Мумбай (Үндістан) ITF турнирін жеңіспен бастады, деп хабарлайды Kazinform.
Әлемнің 469-ракеткасы Ж.Құламбаева бастапқы кездесуін дүниежүзілік рейтингте 923-орында тұрған үндістандық Вайшанави Адкармен өткізді.
Бірінші партияда корт иесі 6:4 есебімен басым түсті.
Дегенмен бұдан кейін Жібек ойын тізгінін өз қолына алды — 7:5, 6:3.
Жібек Құламбаеваның екінші айналымдағы қарсыласы кейін анықталады.
Кеше қазақстандық теннисші жұптық сында литвалық Юстина Микулскитемен бірге жергілікті спортшылар Шривалли Бамидипати — Вайдехи Чаудариге есе жіберген еді: 6:7 (5:7), 2:6.
Еске сала кетейік, бұдан бұрын теннис федерациясы вице-президентінің Азия ашық чемпионатын ұйымдастырғысы келетінін жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).