АСТАНА. KAZINFORM - Қазақстандық теннисші, әлемнің 337-ракеткасы Жібек Құламбаева Солапур (Үндістан) ITF W35 турнирінің финалына шыға алмады.
Қазақстандық теннисші жартылай финалда дүниежүзілік рейтингіде 924-орында тұрған таиландтық Буньяви Тамчайватпен шеберлік байқасып, қарсыласына есе жіберді.
Бірінші партияда Таиланд өкілі айқын басымдылық танытты. Есеп - 6:1. Екіншісінде Жібек 4:0 есебімен алға шыққан. Бірақ сол басымдылықты ұстап тұра алмай, қатарынан алты геймді қарсыласына берді - 4:6.
Матч сағат жарымға жуық уақытқа созылды.
Еске сала кетейік, бұдан бұрын қазақстандық қос жасөспірім теннисшінің Аустралия чемпионатында бақ сынайтынын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).