АСТАНА. KAZINFORM - Қазақстандық теннисші Жібек Құламбаева жұптық сында Нави-Мумбай (Үндістан) ITF W50, турнирінің жартылай финалына шықты.
Жарыстың 2-ракеткалары болып тіркелген Ж.Құламбаева - үндістандық Шривалли Бхамидипати ширек финалда Таиланд өкілдері Тхасапори Накло - Буньяви Тамчайватпен кездесті.
Қазақстандық-үндістандық жұп 7:5, 6:4 есебімен жеңіске жетті. Бір сағат 19 минутқа созылған бәсеке барысында олар 4 брейкке қол жеткізді.
Жібек Құламбаева - Шривалли Бхамидипати финалға шығу үшін үндістандық дуэт Рия Бхатия - Зил Дисаимен таласады. Бұл жұп доданың 4-ракеткалары, жапониялық Хироко Кувата - үндістандық Сахая Ямалапаллиды жолдан тайдырды - 6:4, 6:7 (2:7), 10:5.
Еске сала кетейік, бұдан бұрын Жібек Құламбаеваның жұптық сында Үндістандағы жарыстың ширек финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).