АСТАНА. KAZINFORM – Қазақстан ұлттық құрамасының мүшесі, әлемнің 419-ракеткасы Жібек Құламбаева Нагпур (Үндістан) ITF W15 турнирінің жартылай финалына шықты.
Жарыстың 2-ракеткасы болып тіркелген қазақстандық теннисші ширек финалда рейтингіде 666-орындағы ресейлік Екатерина Яшинамен кездесті.
Бірінші партияда 6:3 есебі тіркелді. Жібек екінші сетті де өз есебіне жазды – 6:4.
Бәсеке сағат жарымға жуық уақытқа созылды.
Жібек Құламбаева финалға шығу үшін әлемнің 573-інші, доданың 3-ракеткасы, корт иесі Зил Десаимен таласады.
Қазақстандық теннисші жұптық сында Е.Яшинамен бірге жартылай финалдық кездесуін де өткізеді.
Тағы бір қазақстандық, рейтингіде 933-сатыдағы Григорий Ломакин Ахмедабад (Үндістан) ITF M15 турнирінің ширек финалында әлемнің 468-інші, осы доданың 1-ракеткасы, италиялық Александр Биндаға жол берді – 6:7, 3:6.
Еске сала кетейік, бұдан бұрын қазақстандық теннисшілердің Үндістандағы жарыстарда сәтті өнер көрсетіп жатқанын жазған едік.
Елена Рыбакина Майами турнирінің финалынан тыс қалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).