МУМБАЙ. KAZINFORM — Қазақстандық Жібек Құламбаева жұптық сында Мумбай (Үндістан) челленджер турнирінің жартылай финалына шықты.
Қазақстандық теннисші оңтүстіккореялық Со Хен Пакпен бірге ширек финалда франциялық Кароль Монне – ресейлік Екатерина Яшинамен шеберлік таластырды.
Бір сағат 20 минутқа созылған кездесуде қазақстандық-оңтүстіккореялық дуэт 7:6 (7:4), 6:1 есебімен жеңіске жетті. Екеуі 1 эйспен бірге 10 брейк-пойнттың алтауын мүлт жібермеді. Франциялық-ресейлік жұп 1 эйс, 3 брейкпен (10 брейк-пойнт) шектелді.
Жібек Құламбаева – Со Хен Пактың жартылай финалдағы қарсыластары кейін анықталады.
Еске сала кетейік, бұдан бұрын Елена Рыбакинаның Михаил Кукушкиннің Ноттингем турнирінің екінші айналымына өткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).