Жібек Құламбаева Загребте жарыстың үшінші ракеткасын жеңді

АСТАНА. KAZINFORM – Қазақстандық, әлемнің 499-ракеткасы, 23 жастағы Жібек Құламбаева Загреб (Хорватия) ITF W75 турнирін жеңіспен бастады.

Қазақстандық теннисші алғашқы айналымда әлемнің – 140, осы жарыстың 3-ракеткасы, нидерландылық Арианне Хартоноға қарсы келді. 

Бірінші партияда нидерландылық теннисші 6:2 есебімен басымдылық танытты. Есесіне екіншісінде Жібек есе қайырды – 6:2. 

Үшінші, шешуші сетте Құламбаева сәтті ойнай алды – 6:4. 

Тартысты өткен матч 2 сағат 12 минутқа созылды.

Жібек Құламбаева ширек финалға шығу үшін әлемнің 259-ракеткасы, жапониялық Химено Сакацумемен таласады. 

Ж.Құламбаева WTA Live рейтингісінде бірден 451-орынға көтеріліп тұр.

Қазақстандық теннисші жұптық сында да өнер көрсетеді. Грекиялық Сапфо Сакелларидимен доданың 2-ракеткасы болып тіркелген Ж.Құламбаева турнирді бірден ширек финалдан бастайды.

Еске сала кетейік, бұдан бұрын 12 қазақстандықтың жасөспірім әлемдегі ТОП-100 теннисшінің қатарына енгенін жазған болатынбыз.

Сондай-ақ Бейбіт Жұқаев пен Денис Евсеев Португалиядағы турнирдің екінші айналымына өтті.

Тимофей Скатов Тунисте үшінші жеңісіне қол жеткізді.