АСТАНА. KAZINFORM - Қазақстандық теннисші Жібек Құламбаева жұптық сында Куршумлия Баня (Сербия) ITF W75 турнирінің финалына шықты.
Жарыстың 3-ракеткалары болып тіркелген Ж.Құламбаева - ұлыбританиялық Фрея Кристи финалға дейін іркілмей жетті.
Жібек пен Фрея жартылай финалда доданың 1-ракеткалары, ресейлік Анастасия Тихонова - ұлыбританиялық Эден Сильваны жолдан тайдырды.
Есеп 6:2, 6:3 есебімен қазақстандық-ұлыбританиялық жұптың пайдасына шешілді.
Кездесу 1 сағаттан астам уақытқа созылды.
Жібек Құламбаева мен Фрея Кристидің финалдағы қарсыластары кейін анықталады.
Осылайша, қазақстандық теннисші бүгін екі матчта жеңіске жетті.
Еске сала кетейік, бұдан бұрын Жібек Құламбаеваның Сербиядағы жарыстың жартылай финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).