Көксу ауданының Балпық би ауылында 600 оқушыға арналған жаңа мектеп салынып жатыр. Жаңа нысанға деген қажеттілік халық санының өсуі және қолданыстағы білім беру инфрақұрылымына түсетін жүктеменің артуына байланысты туындап отыр. Жаңа мектеп балаларға тұрғылықты жеріне жақын жерде заманауи білім беру инфрақұрылымына қол жеткізуге мүмкіндік береді.
Құрылысты 2027 жылдың соңына дейін аяқтау жоспарланып отыр.
-Активтерді қайтару бойынша жұмыс шеңберінде Үкімет 610 млрд теңге сомасына 500-ден астам әлеуметтік жобаны қаржыландыруды мақұлдады. Қор қаражаты бүкіл ел бойынша білім беру, денсаулық сақтау, спорттық және коммуналдық инфрақұрылым нысандарын салуға және жаңғыртуға бағытталады. Білім беру саласында 64,4 млрд теңге сомасына 17 жоба жүзеге асырылып жатыр,-делінген хабарламада.
Осыған дейін қайтарылған активтерден түскен қаржының қайда жұмсалып жатқаны туралы жаздық.