АСТАНА.KAZINFORM - Ақсу ауданының Баласаз ауылында әйелдің қатыгездікпен өлтірілуіне қатысты қылмыстық іс Жетісу облысының мамандандырылған ауданаралық қылмыстық сотына жолданды. Іс ҚР ҚК 99-бабының 1-бөлігі («Кісі өлтіру») бойынша қозғалды, деп хабарлайды Kazinform.
Бұған дейін хабарлағанымыздай, қайғылы оқиға маусымның 21-інен 22-сіне қараған түні болған.
Тергеушілердің айтуынша, ерлі-зайыптылар арасында жанжал туындап, нәтижесінде ер адам әйелін аяусыз соққыға жыққан. Айзат Маратқызы алған жарақаттарынан қайтыс болды.
Зардап шегушінің туыстары мәйіт сот-медициналық сараптамасыз алынғанын айтып, жан-жақты және объективті тергеуді талап етті.
Жетісу облысындағы әйелдің өліміне қатысты іс ерекше бақылауға алынды.
Асхат Райқұл
М.Х.Дулати атындағы ТарМУ түлегі. Журналистика саласында 15 жылдан бері еңбек етіп келеді. Аймақтық, салалық, республикалық басылымдарда, интернет-порталдарда түрлі қызметтер атқарған.
2022 жылдан бері - ҚазАқпарат агенттігінің шығарушы редакторы.