ЖЕЗҚАЗҒАН. KAZINFORM – Жезқазған қаласында бір қабатты тұрғын үй мен шаруашылық нысандарды шарпыған ірі өрт сөндірілді. Құтқарушылардың жедел әрекетінің арқасында газ және оттегі баллондарының жарылысы болмады, деп хабарлайды Төтенше жағдайлар министрлігі.
М.Шәріпов көшесінде орналасқан тұрғын үй, шаруашылық құрылыстар мен гаражды ашық жалын шарпыған. ТЖМ қызметкерлері өрттің таралуына жол бермей, ғимарат ішінен төрт газ және екі оттегі баллонын шығарып үлгерген.
- Өрт 280 шаршы метр аумақта сөндірілді. Қазіргі уақытта өрттің шығу себебі анықталып жатыр, - делінген ақпаратта.
Бұған дейін Астанада қонақүй өртеніп, 60 адам эвакуацияланы хабарланған еді.
Асхат Райқұл
М.Х.Дулати атындағы ТарМУ түлегі. Журналистика саласында 15 жылдан бері еңбек етіп келеді. Аймақтық, салалық, республикалық басылымдарда, интернет-порталдарда түрлі қызметтер атқарған.
2022 жылдан бері - ҚазАқпарат агенттігінің шығарушы редакторы.