«Amanat» партиясы Мәжіліс депутаттығына Вера Кимді ұсынды

«Amanat» партиясы Мәжіліс депутатының бос лауазымына Вера Кимді ұсынды, деп хабарлайды ҚазАқпарат.

«Саяси кеңес бюросының қаулысымен Парламент Мәжілісі депутатының партиялық тізім бойынша бос мандаты Ким Вера Александровнаға берілді. Тиісті шешім ҚР Орталық сайлау комиссиясына жіберілді», - делінген партия мәліметінде.

Вера Александровна Ким 1982 жылы Павлодар облысында дүниеге келген.

2003 – 2012 жылдар аралығында Павлодар қалалық әлеуметтік-волонтерлік орталығында, «Әлеуметтік-волонтерлік орталығы» жастар қоғамдық бірлестігінде, «Қазақстанның Азаматтық альянсы» заңды тұлғалар бірлестігінде түрлі қызмет атқарды.

2012 жылы «Ұлттық волонтерлік желісі» заңды тұлғалар бірлестігінің төрағасы.

2017-2021 жылдары «Zhasproject» жастар корпусын дамыту жобасының үлестіру агенттігінің басшысы.

2021 – 2023 (қаңтар) жылдар аралығында – «Amanat» партиясы атынан Мәжілістің VII шақырылым депутаты.