Хоккей: «Барыс» мәскеулік «Спартакқа» есе жіберді

Қазақстандық «Барыс» командасы Құрлықтық хоккей лигасындағы кезекті ойынын елордада «Спартак» (Мәскеу) командасымен өткізді, деп хабарлайды ҚазАқпарат тілшісі.

Кездесудің алғашқы минуттарында ресейлік клубтың белсенділігі байқалып тұрды.
Нәтижесінде олардың қатарынан Михал Чайковски 9, Павел Порядин 13-минутта мергендік танытса, 17-минутта Аңсар Шайхмедденов есеп айырмасын қысқартты.
Ал 33-минутта ресейлік клубтан Егор Савиков, 36-минутта «Барыс» сапынан Эмиль Нұрғалиев гол соқты.
Одан кейін ресейлік Александр Пашин 37, Андрей Локтионов 44, Шейн Принс 50-минутта үш гол соқса, елордалық клубтан Джозеф Лабате 54-минутта мергендік танытты.
Осылайша елордалық клуб қарсыласына 3:6 есебімен есе жіберді.
Енді елордалық клуб 23 қыркүйекте «Сибирь» (Новосібір), 25 қыркүйекте «Нефтехимик» (Нижнекамск) командаларымен шеберлік байқасады.
Еске салсақ, бұдан бұрын «Барыс» елордада «Нефтехимик» командасын ірі есеппен жеңді.