Ақтөбеде ломбардқа қарақшылық шабуыл жасалды
Ақтөбеде ломбардқа қарақшылық шабуыл жасалды. ҚазАқпарат бұл туралы Рolisia.kz-ке сілтеме жасап хабарлайды.
Ұрлық 15 қыркүйек күні кешкі уақытта жасалған. Медициналық бетперде, қара көзілдірік пен капюшон киген ер адам ломбард ғимаратына баса көктеп кіріп, қызметкерді тапаншаға ұқсас затпен қорқытқан. Солай кассадағы ақшаны пакетіне салып әкеткен.
Полиция қызметкерлері тұрғылықты жері бойынша 42 жастағы ер адамды анықтап, ұстады. ҚР Қылмыстық кодексінің 192-бабы 2-бөлігі бойынша сотқа дейінгі тергеу жүргізіліп жатыр. Күдікті уақытша үстау изоляторына қамалды, - делінген полиция мәліметінде.
