1 қазанда марафонға байланысты Алматыдағы кей жолдар жабылады
«Алматы марафоны» жүгіру жарысының ұйымдастыру комитеті жарыс өтетін күні жолдардың ішінара жабылатынын мәлім етті, деп хабарлайды ҚазАқпарат тілшісі.
1 қазан таңғы сағат 7:00–ден түскі 13:30–ға дейін марафон өтетін жерлерде жолдардағы қозғалыс ішінара жабылады.
Спортшылардың қашықтықты жүгіріп өту шамасына қарай жолдар ашылып отырады. Марафонның сөресі мен мәресі Республика алаңында болады, сондықтан 1 қазанда сағат 7:00–ден 13:30–ға Сәтбаев көшесі, Сейфуллин, әл-Фараби даңғылы, Саин көшесі, Абай даңғылында көлік қозғалысы ішінара шектеледі.
1 қазанда мына жолдарда қозғалыс шектеледі:
— Назарбаев даңғылында Сәтбаев көшесінен әл-Фараби даңғылына дейінгі жол бөлігінде сағат 7:00-ден 10:40-қа дейін қозғалыс толық жабылады. Балама жол Достық даңғылының екі бағытымен өтеді;
— Әл-Фараби даңғылында Назарбаев даңғылынан Шашкин көшесіне дейінгі жол бөлігінде сағат 7:00-ден 11:10-ға дейін қозғалыс ішінара жабылады, көшенің оңтүстік жағы көлік қозғалысына ашық болады. Шығыс бағытындағы балама жол Абай даңғылымен өтеді;
— Әл-Фараби даңғылында Шашкин көшесінен Саин көшесіне дейінгі жол бөлігінде сағат 7:00-ден 13:30-ға дейін қозғалыс ішінара жабылады, көшенің оңтүстік жағы көлік қозғалысына ашық болады;
— Саин көшесінде әл-Фараби даңғылынан Абай даңғылына дейінгі жол бөлігінде сағат 7:00-ден 13:00-ге дейін қозғалыс ішінара жабылады, көшенің батыс жағы көлік қозғалысына ашық болады. Солтүстік бағытындағы балама жол Бауыржан Момышұлы көшесімен өтеді;
— Абай даңғылында Саин көшесінен Байтұрсынов көшесіне дейінгі жол бөлігінде сағат 7:00-ден 13:30-ға дейін дейін қозғалыс ішінара жабылады, даңғылдың солтүстік жағы көлік қозғалысына ашық болады. Шығыс бағытта балама жол әл-Фараби даңғылы, Төле би көшесі, Құрманғазы көшесі, Қабанбай батыр көшелерінің бойы;
— Байтұрсынов көшесінде Абай даңғылынан Сәтбаев көшесіне дейінгі жол бөлігінде сағат 7:00-ден 14:00-ге дейін қозғалыс толық жабылады. Балама жол Байзақов көшесімен өтеді;
— Сәтбаев көшесінде Байтұрсынов көшесінен Желтоқсан көшесіне дейінгі жол бөлігінде сағат 7:00-ден 13:30-ға дейін қозғалыс толық жабылады. Балама жол батыс бағытта Абай даңғылымен, шығыс бағытта Құрманғазы көшесімен өтеді;
— Сәтбаев көшесінде Байзақов көшесінен Байтұрсынов көшесіне дейінгі жол бөлігінде сағат 7:00-ден 10:35-ке дейін қозғалыс толық жабылады;
— Шашкин көшесінде әл-Фараби даңғылынан Тимирязев көшесіне дейінгі жол бөлігінде сағат 7:00-ден 10:35-ке дейін жабылады. Балама жол Марков көшесімен өтеді;
— Тимирязев көшесінде Шашкин көшесінен Байзақов көшесіне дейінгі жол бөлігінде сағат 7:00-ден 10:35-ке дейін қозғалыс толық жабылады. Балама жол батыс бағытта Абай даңғылымен, шығыс бағытта әл-Фараби даңғылымен өтеді;
— Байзақов көшесінде Тимирязев көшесінен Сәтбаев көшесіне дейінгі жол бөлігінде сағат 7:00-ден 10:35-ке дейін қозғалыс жабылады. Балама жол солтүстік бағытта Әуезов көшесімен, оңтүстік бағытта Манас көшесімен өтеді.
Сонымен қатар ұйымдастыру комитеті Республика алаңына автокөлікпен жету бағытын ұсынды:
— Желтоқсан көшесінің бойымен оңтүстікке қарай Сәтбаев көшесіне дейін;Сәтбаев көшесінің бойымен батысқа қарай Назарбаев даңғылына дейін;
— Назарбаев даңғылының бойымен оңтүстікке қарай Сәтбаев көшесіне дейін;
— Әл-Фараби даңғылының оңтүстік жағымен Нұрлы Тауға дейін көлікпен жетіп, Алаңға дейін жаяу бару;
— Абай даңғылының бойымен батысқа қарай Желтоқсан көшесіне дейін;
— Шевченко және Құрманғазы көшелерінің бойымен Желтоқсан көшесіне дейін;
— Метромен «Абай» станциясына дейін;
Естеріңізге сала кетейік, 1 қазандажыл сайынғы ең ірі жүгіру жарысы – «Алматы марафоны» өтеді. Оған әлемнің түкпір-түкпірінен 15 мыңнан астам спортшы қатысады.
