1 тамыздан бастап елімізде электр энергиясы тарифі өзгереді

АСТАНА. KAZINFORM — Ертеңнен бастап қазақстандықтар жарық құнын жаңа бағамен төлеуге көшеді.

2025 жылғы 29 шілдеде Энергетика министрінің міндетін атқарушы «Электр энергиясына шекті тарифті бекіту туралы» бұйрыққа қол қойды.

Құжатқа сәйкес, электр энергиясын өндіретін компаниялардың тарифі келесідей өзгереді.

— Т. И. Батуров атындағы Жамбыл ГРЭС — тариф 22,58 теңгеден 23,25 теңгеге дейін көтеріледі (1 кВт/сағ үшін).

— Ақтөбе ЖЭО — 17,54 теңгеден 18,19 теңгеге дейін.

— «Жайыктеплоэнерго» АҚ — 13,25 теңгеден 13,95 теңгеге дейін.

— МАЭК-Қазатомөнеркәсіп» — 22,16 теңгеден 23,26 теңгеге дейін.

— «Кристалл Менеджмент» АҚ — 15,27 теңгеден 16,09 теңгеге дейін.

— «Ақтөбе рельс-арқалық зауыты» ЖШС — 21,11 теңгеден 23,58 теңгеге дейін.

— «З-Энергоорталық» — 16,77 теңгеден 18,46 теңгеге дейін.

— «Қызылордажылуэлектроорталығы» — 12,10 теңгеден 13,13 теңгеге дейін.

— «Батыс Пауэр» ЖШС — 15,89 теңгеден 17,63 теңгеге дейін.

— «Karabatan Utility Solutions» ЖШС — 10,67 теңгеден 13,06 теңгеге дейін.

— «OzenMunaiProm» ЖШС — 26,92 теңгеден 28,68 теңгеге дейін.

— ТНК «Қазхром» АҚ — 10,67 теңгеден 11,65 теңгеге дейін.

— «ССГПО» АҚ — 18,82 теңгеден 18,94 теңгеге дейін.

Сондай-ақ электр энергиясын өндіруші ұйымдардың 63-тобына арналған тариф 1 кВт/сағ үшін 44,02 теңге болып белгіленді.

Бұйрық 2025 жылғы 1 тамыздан бастап қолданысқа енгізіледі.

Айта кетейік, Қазақстан көрші елдерден электр энергиясын импорттауды тоқтатады. 

Сондай-ақ Энергетика министрлігі сұйытылған газ бағасын 1 тамыздан бастап өзгертуді ұсынды.