1 жартыжылдықта 11 кәсіпорын «Өнімділік-2020» бағдарламасына қосылды

None
None
АСТАНА. 2 шілде. ҚазАқпарат - «Үстіміздегі жылы «Өнімділік-2020» бағдарламасына  11 кәсіпорын қосылды, деп хабарлады «Қазақстандық индустрия  дамыту институты» АҚ өнеркәсіптік кәсіпорындарды жаңғырту орталығының директоры Салтанат Жұмабекова  pm.kz сайтына берген сұхбатында.

«І жартыжылдықтың қорытындысы бойынша 11 кәсіпорын бағдарламаға қосылды,  олардың дені  машина жасау және құрылыс индустриясы кәсіпорындары», - деп атап өтті Салтанат Жұмабекова.

С.Жұмабекова атап өткендей,  «Қолжетімді баспана-2020» бағдарламасын іске асыру аясында үй құрылысы комбинаттары құрылуда,  сондықтан осындай комбинат құруға қызығушылық танытқан  ұйымдар  «Өнімділік-2020»  бағдарламасы бойынша лизингтік қаржыландыруды пайдалануларына болады.

Естеріңізге сала кетейік, 2011 жылы 27 өнеркәсіптік кәсіпорын бағдарламаның қатысушылары  болған еді.  Лизингтік қаржыландыру 2  жоба - «Оңтүстік-құрылыс-сервис» АҚ және «Мұнаймаш» АҚ-ы   бойынша ашылып та қойды. Бүгінгі күнде Қазақстанның 14 аймағында  өнеркәсіптің 8 саласында жұмыс істейтін  38 өнеркәсіптік  кәсіпорын  бағдарламаға  қатысып отыр.

«Өнімділік-2020» бағдарламасы  үдемелі индустриялық инновациялық даму мемлекеттік бағдарламасы  шеңберінде құрылған,  негізгі мақсаты еңбек өнімділігін ұлғайту арқылы отандық кәсіпорындардың бәсекеге қабілеттілігін арттыру.

Соңғы жаңалықтар