12 облыс жолдарында қауіп күшейеді: Қазавтожол жүргізушілерге ескерту жасады
АСТАНА. KAZINFORM - Бүгін Ақмола, Абай, Ақтөбе, Алматы, Қарағанды, Қызылорда, Қостанай, Жетісу, Павлодар, Түркістан, Ұлытау және Шығыс Қазақстан облыстарында жаңбыр аралас қар жауып, кей жерлерде қар күтіледі, деп хабарлайды Қазавтожол мекемесі.
Осыған байланысты республикалық автожолдардың жекелеген бөліктерінде көріну қашықтығы төмендеп, жол беті тайғақ болуы мүмкін.
Жүргізушілерге ауа райын ескеріп, қауіпсіз арақашықтықты сақтауды, жол жағдайына қарай жылдамдықты таңдауды және оқыс маневр жасамауды ұсынамыз.
Осыған дейін қызылордалық тәртіп сақшылары өңірде ауа райының күрт өзгеруіне байланысты жүргізушілерге ескерту жасаған болатын.
