13 тамыз. Тұлғалар туған күн

ЕСІМДЕР

83 жыл бұрын (1941) белгілі филолог-ғалым, қазақ тілін дамытуға белсене араласқан қоғам қайраткері, Мемлекеттік тілді дамыту қоры Қамқоршылық кеңесінің мүшесі Асылы Әлиқызы ОСМАН дүниеге келді.

Грузияда туған. Қазақ мемлекеттік қыздар педагогикалық институтын, ҚазССР Ғылым академиясы Тіл білімі институтының аспирантурасын бітірген.

1969-1993 жылдары ҚазССР Ғылым Академиясы Тіл білімі институтының аспиранты, кіші, аға ғылыми қызметкері. 1993-1997 жылдары ҚР Тіл комитетінің, ҚР ұлт саясаты жөніндегі мемлекеттік комитетінің бөлім бастығы, басқарма бастығы. «Тұран» Әзербайжан мәдени орталығының вице-президенті болды. 1997 жылдан бері зейнет демалысында.

Алматы облысы әзербайжан этно-мәдени орталығының төрайымы, «Мемлекеттік тілге – құрмет» бірлестігінің жетекшісі, қазақ тіліндегі көптеген ғылыми кітаптар мен сөздіктердің авторы. Баспасөзде 200-ден астам ғылыми және аударма мақалалары жарық көрді. «Синонимдік етістіктердің семантикалық-стилистикалық қызметі» (1991), «Қазақша-түрікше-орысша сөз тіркесі» (1994), т.б кітаптардың авторы.

«Парасат», екінші дәрежелі «Достық» ордендерімен, Бауыржан Момышұлы атындағы «Намыс», «Тіл жанашыры», «Қазақстан Республикасының Мәдениет қайраткері», «Белсенді қызметі үшін», «Қазақстан Конституциясына 10 жыл» (2005), «10 жыл Астана» (2008) медальдарымен марапатталған.

70 жыл бұрын (1954) Қ.Тұрысов атындағы Satbayev университетінің Геология, мұнай және тау-кен ісі институтының директоры Асқар Хамзаұлы СЫЗДЫҚОВ дүниеге келді.

Қызылорда облысында туған. 1980 жылы В.И. Ленин атындағы Қазақ политехникалық институтын «Пайдалы қазбалар кен орындарын барлау технологиясы мен жабдықтары» мамандығы бойынша бітірген, Г.В. Плеханов атындағы Ленинград тау-кен институтын «Ұңғымаларды бұрғылау технологиясы мен жабдықтарын жасау» мамандығы бойынша бітірген. Қазақ-Британ техникалық университеті, PhD докторантура, «Мұнай-газ саласындағы менеджмент» мамандығын алды.

Еңбек жолы: 1980 жылы «Барлау ұңғымаларын бұрғылаудың тиімді әдістері» өндірістік зертханасының инженері, 1984 жылы MNS, SNS зертханасында жұмыс істеді, 1984-1992 жылдары Ұңғымаларды бұрғылау технологиясы және техникасы кафедрасының оқытушысы, аға оқытушысы, доценті, 1993-2017 жылдары республиканың геологиялық және мұнай-газ салаларындағы әртүрлі отандық және шетелдік өндірістік және басқарушы компанияларда жұмыс істеді, 1993-2017 жылдары «ҚазТрансГаз» ЖАҚ Жамбыл филиалы кәсіпорнының директоры, «Амангелді Газ» ЖШС бас директоры, газ кен орындарын игеру департаментінің директоры, геология және жер қойнауын пайдалану жөніндегі басқарушы директор (газ ресурстық базасын, оның ішінде ілеспе мұнай газын және көмір қабатының метанын қалыптастыру) «ҚазТрансГаз» АҚ, «ҚМГ Қарашығанақ» ЖШС кәсіпкерлікті қолдау департаментінің директоры, «Каспиймұнайгаз» ҒЗИ» ЖШС бас директорының кеңесшісі болды.

2018 жылдың қаңтар айынан бері қазіргі қызметінде.

42 жыл бұрын (1982) Қазақстан Республикасының Сауда және интеграция вице-министрі Қайрат Такирұлы БАЛЫҚБАЕВ дүниеге келді.

Алматы қаласында дүниеге келген. Әл-Фараби атындағы Қазақ ұлттық университетін («Экономикалық кибернетика» мамандығы), Халықаралық бизнес академиясын (корпоративтік менеджмент магистрі), Қ.И. Сәтбаев атындағы Қазақ ұлттық техникалық университетін («Мұнай-газ дело»мамандығы) бітірген.

Еңбек жолын 2003 жылы бастаған. Ақпараттық технологиялар (цифрландыру) жүйесінде 2007 жылдан бастап «ҚазТрансГаз»АҚ Ақпараттық технологиялар қызметінің басшысы болып жұмыс істей бастады.

2009 жылы «ҚазМұнайГаз»ҰК«АҚ Ақпараттық технологиялар департаментінің директоры, 2010-2011 жылдары MG Kashagan B. V.«ЖШЖК супервайзері, 2011-2014 жылдары «ҚазМұнайГаз «ҰК» АҚ Ақпараттық технологиялар департаменті, басқарушылық есептілік жүйесін енгізу және ақпараттық технологиялар департаментінің директоры, 2014-2016 жылдары «ҚазМұнайГаз»ҰК«АҚ Ақпараттық технологиялар жөніндегі басқарушы директоры қызметін атқарды.

2016 жылы – «ҚазМұнайГаз «ҰК» АҚ Ақпараттық технологиялар жөніндегі вице-президенті, 2017 жылы «ҚМГ Глобал Солюшнс Б. В» ФКОО бас директорының орынбасары, 2017-2018 жылдары ҚР Ақпарат және коммуникациялар вице-министрі болды. 2019-2021 жылдары «KazEnergy» ЗТБ штаттан тыс кеңесшісі, 2021-2022 жылдары Еуразиялық даму банкінің цифрлық бастамалар дирекциясының басқарушы директоры.

2022 жылдың желтоқсан айынан бастап қазіргі қызметінде.

2019 жылы «Еуразиялық экономикалық одақтың дамуына қосқан үлесі үшін» медалімен марапатталған.

31 жыл бұрын (1993) Ауыр атлетикадан 2016 жылғы Олимпиада чемпионы, 2015 жылы әлем чемпионы Нижат РАХИМОВ дүниеге келді.

Баку қаласында туған.

2010 жылдың мамыр айында Валенсияда (Испания) өткен жастар арасындағы Еуропа чемпионатына іріктеу турында 290 келі көтеріп, бірінші орын алды. 2010 жылы 17 тамызда жастар арасында Сингапурда өткен жазғы Олимпиада ойындарының жеңімпазы атанды. Нижаттың бапкері екі дүркін әлем чемпионы Низами Пашаев болған.2013 жылы Рахимов Қазандағы жазғы Универсиадада Әзербайжанның намысын қорғап, Әзербайжан құрамасының туын көтеріп шықты. Сол жылы Перудегі жасөспірімдер чемпионатында екінші орын алды. 2013 жылдың жазында допингке тексеру кезінде 18 әзербайжандық штангашы спорттан шеттетілді. 2014 жылдың жазында Нижат Рахимов Қазақстан азаматтығын қабылдап, ел құрамасының сапында жарысқа қатысуға келісім берді. Екі жылдық спорттан шеттету мерзімі біткен соң, Рахимов Қазақстан құрамасы сапында 85 келіге дейінгі дәрежеде Қытайға жарысқа барып, төртінші орын алды. 2015 жылы қараша айында Хьюстонда өткен әлем чемпионатында үздік нәтиже көрсетіп, Қазақстанға жеңіс сыйлады.

2016 жылы Рио-де-Жанейрода өткен Олимпиада ойындарында жұлқа көтеруде 214 келіні бағындырып, әлемдік рекордты жаңартты.