15 наурыз күні елдің басым аумағында тұман күтіледі

АСТАНА. ҚазАқпарат -  Атмосфералық фронттардың өтуіне байланысты 15 қаңтар күні республиканың  солтүстік және оңтүстік-шығысында аздаған қар жауады.

Кей жерлерде тұман, көктайғақ болып, жел тұрады, солтүстікте жел жаяу бұрқасынмен күшейеді, деп хабарлайды ҚазАқпарат «Қазгидромет» РМК-ға сілтеме жасап.

Ақмола облысының кей жерлерінде тұман күтіледі, 15-20 м/с екпіндегі желмен бірге жаяу бұрқасын жүреді.

Жамбыл облысының кей аумақтарын тұман басып, таңертең және күндіз жел 15-20 м/с күшейеді.

Оңтүстік Қазақстан облысының кей жерлерінде түнде тұман болып, күндіз жел 15-20 м/с артады.

Алматы облысының жекелеген жерлерінде тұман, көктайғақ күтіледі.

Батыс Қазақстан, Ақтөбе, Қостанай, Қарағанды, түнде және таңертең Солтүстік Қазақстан, Шығыс Қазақстан облыстарының кей жерлерінде тұман болжанады.

Ал Маңғыстау облысында шаңды дауыл көтерілуі ықтимал.