17 жасар Әмір Омарханов әлемдік рейтингіде үздік көрсеткішіне қол жеткізді

АСТАНА. KAZINFORM – Кәсіби теннисшілер қауымдастығы (АТР) жаңартылған рейтингіні жария етті.

Қазақстанның бірінші ракеткасы Александр Бублик жекелей сында 43-тен 45-ке түссе, Александр Шевченко 100-ден 97-ге жоғарылады. 

17 жасар Әмір Омарханов 922-ден 915-ке көтерілді. Бұл – оның ең үздік көрсеткіші. Осыған дейін Әмір Италиядағы ITF M15 турнирінде, сондай-ақ жасөспірімдер арасында Ролан Гаррос жарысында бақ сынады. 

Дмитрий Попко 170-тен 181-ге, Михаил Кукушкин 182-ден 191-ге, Тимофей Скатов 214-тен 215-ке, Денис Евсеев 265-тен 270-ке төмендесе, Бейбіт Жұқаев 246-дан 244-ке ауысты.
Әйелдер арасында WTA рейтингісінде жекелей сында Елена Рыбакина – 11, Юлия Путинцева 27-орнында қалды.

Зарина Дияс 280-нен 275-ке шықса, Жібек Құламбаева 306-дан 308-ге түсті.

Еске сала кетейік, бұдан бұрын Александр Бубликтің Германияда екі жыл бұрын чемпион атанған жарыста ойнайтынын жазған болатынбыз.