18 қыркүйек күні Қазақстанның кей аймақтарында ауа райы құбылмалы - Қазгидромет

АСТАНА. ҚазАқпарат - 18 қыркүйек күні Қазақстанның көптеген бөліктерінде жауын-шашынсыз, тек республиканың солтүстік-батысы мен солтүстігінде ауа райы құбылмалы болады, кей жерлерде жаңбыр жауады, жел күшейеді. Түнде және таңертең кей жерлерде тұман болады. Бұл туралы Қазгидромет хабарлады.

Алматы облысының Жалаңашкөл маңында жел соғады, күші 17-22 м/с. Павлодар облысында, күндіз Қостанай облысының кей жерлерінде жел 15-20 м/с күшейеді. Батыс Қазақстан, түнде және таңертең Маңғыстау, Шығыс Қазақстан облыстарының кей жерлерінде тұман күтіледі. Жамбыл, Қызылорда, таңертең және күндіз Оңтүстік Қазақстан облыстарының кей жерлерінде жел 15-20 м/с күшейеді. Түнде Шығыс Қазақстан облысының кей жерлерінде 3 градусқа дейін үсік жүреді. Қызылорда облысында, Оңтүстік Қазақстан, Жамбыл, Батыс Қазақстан, Қарағанды, Қостанай облыстарының кей жерлерінде өте жоғары өрт қаупі сақталады.