18 наурызда елордада өтетін маңызды шаралар аңдатпасы

НҰР-СҰЛТАН. ҚазАқпарат – «ҚазАқпарат» халықаралық ақпарат агенттігі 18 наурыз күні елордада өтетін маңызды шаралар аңдатпасын ұсынады.

9.00-де Үкімет үйінде Үкімет отырысы өтеді. Күн тәртібінде – Мемлекет басшысының 2022 жылғы 16 наурыздағы Қазақстан халқына жолдауын іске асыру шаралары қаралады.

10.00-де Орталық сайлау комиссиясының төрағасы Нұрлан Әбдіровтің Нұр-Сұлтан қаласының жастарымен сайлау процесі мәселелері бойынша кездесуі өтеді.

11.00-де «Қазмедиа орталығында» Қазақстан Республикасының Президенті Қ. К. Тоқаев мемлекеттік наградаларды тапсыру рәсімін өткізеді.

11.00-де ZOOM платформасындағы KASE алаңында «Эмитент күні» жобасы шеңберінде «Қазақтелеком» АҚ бас қаржы директоры Асхат Өзбековпен онлайн-кездесу өтеді.

12.30-да ҚР Президенті жанындағы орталық коммуникациялар қызметінде «Наурыз мейрамын тойлау туралы» баспасөз мәслихаты өтеді.

Спикерлер: Мәдениет және спорт Вице-министрі Нұрқиса Дәуешов; Түркістан облысы мәдениет басқармасының басшысы Әзімхан Қойлыбаев (ZOOM); Нұр-сұлтан қаласы мәдениет басқармасы басшысының орынбасары Нұран Қамзин.

Көрсетілім сілтемелері: Youtube, Facebook.

14.30-да ҚР Президенті жанындағы Орталық коммуникациялар қызметінде «Карантиндік шараларды алып тастау туралы» баспасөз мәслихаты өтеді.

Спикер: ҚР Денсаулық сақтау министрі Ажар Ғиният.

Көрсетілім сілтемелері: Youtube, Facebook.

15.00-де ҚР Ұлттық музейінде Ұлыстың Ұлы күні – Наурыз мейрамына арналған «Наурыз – жаңғыру нышаны» атты мерекелік шара өтеді.

16.00-де ҚР Ұлттық музейінде Қанафия Оспановтың 80 жылдық мерейтойына арналған «Қараөткел бояулары» атты мерейтойлық жеке көрмесінің ашылуы өтеді.

19.00-де Астана балет театрында «Қозы Көрпеш – Баян сұлу» балет-эпосы көрсетіледі.

19.00-де Қ. Қуанышбаев атындағы мемлекеттік академиялық қазақ музыкалық-драма театрында «Жұбайлар жұмбағы» музыкалық комедиясы өтеді.