10:06, 23 Тамыз 2024 | GMT +5
1WIN казиносы арқылы 3,8 млрд теңгені қалтасына басқан төртеуге іздеу жарияланды
АСТАНА. KAZINFORM — Қаржылық мониторинг агенттігі бірнеше адамға халықаралық іздеу жариялады.
- Ресей азаматы Черных Сергей Владимирович, 1993 жылы туған;
- Украина азаматы Юдина Марина, 1999 жылы туған;
- Қазақстан азаматы Нестеренко Павел Игоревич, 1998 жылы туған;
- Қазақстан азаматы Мусалиева Тұрсын Бегдатқызы, 1996 жылы туған.
Аталған тұлғалар Алматы облысы мен Алматы қаласы аумағында «1WIN» онлайн-казино түрінде заңсыз құмар ойын мен букмекерлік қызмет ұйымдастырды және басқарды, азаматтарға зорлық-зомбылық көрсетіп, заңсыз бас бостандығынан айырды деп айыпталып отыр.
Осыған байланысты қылмыстық әрекеттен түскен қаражат — 3,8 миллиард теңге.
Агенттік осы адамдар жайлы қандай да бір мәлімет білетіндердің мына нөмірлерге хабарласуын сұрайды:
+7-701-577-56-83 — Іздеу жұмыстары бойынша,
+7-701-121-47-65 — Іздеу жұмыстары бойынша,
+7-727-279-20-86 — кезекші бөлім.
Хабарлаған адам аноним қалады және сыйақы бар.
