2 маусымға арналған ауа райы болжамы

АСТАНА. KAZINFORM — «Қазгидромет» РМК синоптиктері  2 маусымға арналған ауа райы болжамын жариялады. 

Атмосфералық фронттардың өтуімен республиканың басым бөлігінде тұрақсыз ауа-райы болжанады: жаңбыр мен найзағай, екпінді жел, күндізгі уақытта бұршақ күтіледі. 

— 2 маусымда батыста, оңтүстік-шығыстың таулы аймақтарында қатты жаңбыр жауады. Еліміздің оңтүстік-батысында, оңтүстігінде, оңтүстік-шығысында шаңды дауыл күтіледі. Батысында, солтүстік-батысында қатты ыстық басылады деп күтіледі. ҚР қалған аумағында ауа температурасының біртіндеп жоғарылауы күтілуде, күндіз еліміздің орталығында, оңтүстігінде 35-40 градус қатты ыстық болады деп болжанып отыр, — делінген хабарламада.

Еске сала кетейік, «Қазгидромет» РМК синоптиктері бұған дейін маусым айына арналған ауа райы болжамын жариялап, +43 градус ыстық болатыны болжанғанын жазған едік.