20-21 маусым күндері Астанада қайда баруға болады
АСТАНА. KAZINFORM — Астанада алдағы демалыс күндері музыка мен өнер сүйер қауым үшін нағыз мерекеге толы күндер болмақ. Елордалықтар музыка кештерін, қойылымдарды, концерттер мен халықаралық музыка фестивалін тамашалай алады. Kazinform тілшісі 20-21 маусымдағы демалыс жоспарына қосуға болатын таңдаулы шаралар тізімін жасады.
Ахмет Жұбанов пен Латиф Хамидиді еске алу кеші
20 маусымда Е. Рахмадиев атындағы мемлекеттік академиялық филармонияның камералық залында көрнекті қазақ композиторлары Ахмет Жұбанов пен Латиф Хамидидің 120 жылдығына арналған гала-музыкалық кеш өтеді.
Концерт қазақ музыка өнерінің дамуында шешуші рөл атқарған екі көрнекті тұлғаға құрмет көрсетуге арналған. Осы шеберлердің бай рухани мұрасына арналған бағдарлама өз көрерменін күтеді.
«Астана Балет» театрындағы «Симфониялық жаңғырулар»
20 маусымда «Астана балет» әлемдік классиканы сүйетіндерді Эльмар Бөрібаев дирижерлік ететін «Симфониялық ашылулар» симфониялық оркестрінің концертіне шақырады.
Кешкі бағдарламада әлемдік классикалық сахнаның танымал шығармалары, соның ішінде Антонин Дворжактың 8-ші симфониясы және Карл Мария фон Вебердің «Вольный стрелок» увертюрасы бар. Қонақтар әуезді оркест дыбысын, драмалық музыкалық палитра мен жарқын контрасттарды тамашалай алады.
Астана мюзиклден «Музыка әлеміне саяхат»
21 маусымда «Астана мюзикл» мемлекеттік театры «Музыка әлеміне саяхат» театрлық бағдарламасын ұсынады. Қойылымға танымал ресейлік және халықаралық мюзиклдерден ең жақсы көріністер мен музыкалық нөмірлер кіреді.
Ұйымдастырушылар керемет қойылымдар, әсерлі хореография және күтпеген музыкалық тосынсыйлар ұсынылатынына уәде берді.
Higanbana Tour аясындағы MEREY концерті
21 маусымда қазақстандық ақын және әнші MEREY «Higanbana Tour» аясында Астанада өнер көрсетеді.
23 жастағы әртіс өзінің эмоционалды жеткізуімен және ерекше вокалдық техникасымен өнер көрсетеді. Оның музыкасы шынайы поэзияны заманауи, эксперименталды дыбыспен үйлестіреді.
Lakshminarayana Global Music Festival in Kazakhstan
Демалыс күндерінің ең маңызды оқиғаларының бірі — 21 маусымда Е. Рахмадиев атындағы мемлекеттік академиялық филармонияда өтетін Lakshminarayana Global Music Festival in Kazakhstan фестивалі.
Фестиваль Үндістанның музыкалық дәстүрі мен Қазақстанның кәсіби классикалық өнерін біріктіреді. Көрермен шығыс музыкалық мотивтері мен академиялық орындау шеберлігі біріктірілген мәдениеттердің ерекше синтезін тамашалайды.
Бұдан бұрын астаналықтарға арнап үш ай бойы тегін Street Workout ашық жаттығулар өтетінін жазғанбыз.
