2013 жылы Қытайда 500 мың тонна Қазақстан мұнайын өңдеу жоспарланып отыр - С. Мыңбаев

АСТАНА. 28 қаңтар. ҚазАқпарат - 2013 жылы Қытайда 500 мың тонна Қазақстан мұнайын өңдеу жоспарланып отыр. Бұл туралы бүгін Мұнай және газ министрлігінің алқа мәжілісі барысында ведомство басшысы Сауат Мыңбаев мәлім етті.

«Біз 2013 жылы Қытайда 500 мың тоннаға жуық мұнай өңдеуді жоспарлап отырмыз. Сонымен қатар, 2012 жылы толлинг шеңберінде Қытайдан Қазақстанға жоғары октанды бензиннің алғашқы 26 мың тоннасы жеткізілген», - деді министр. Қазіргі кезде Қазақстан - Қытай арасында тасымалданатын мұнай көлемін ұлғайту мәселесі қаралуда. Оны уақытша жұмыс істейтін мұнай құбыры арқылы шешу көзделіп отыр. Аталған құбыр 2015 жылға дейін жұмыс істейтін болады. «Бұнымен қоса, біз өзіміздегі 3 мұнай өңдеу зауытын қайта жаңғыртып, іске қосатын боламыз. Осылайша, ішкі сұранысты толығымен өзіміз қамтамасыз етпекпіз»,-деді С. Мыңбаев.