2016 жылы Атырау-Астрахань республикалық автожолының құрылысы басталады

Құрылыс аяқталған соң жол Атырауды Қазақстан мен Ресейдің мемлекеттік шекарасымен байланыстырады.
«Облысымызда республикалық маңыздағы барлығы 990 километр жол бар. Олардың шамамен жартысының жағдайы көңіл көншітпейді: көптеген жылдар бойы мұнда күрделі жөндеу жұмыстары жүргізілмеді. 2016 жылдан «Нұрлы жол» бағдарламасы бойынша 432 километр жол салу қажет. Алдымен, бұл Атырау-Котяевка жолы учаскесінің 277 километрі. Мұннан жол Ресейге қарай бағыт алады. 6 ұйым қатысып жатқан жобалық жұмыстар қарқынды жүріп жатыр. Ары қарай - конкурс. 2016 жылдың ортасына қарай құрылыс басталуы тиіс», - деді жолаушылар көлігі және автомобиль жолдары басқармасының басшысы Аманжан Тәкешев.
Атырау-Астрахань жаңартылған жолы үшін Ресей Еділ өзені арқылы өтетін жаңа көпір салуға дайын. Бұл туралы биыл Астрахань облысының губернаторы Александр Жилкин мәлім етті.