2016 жылы мамыр айында инфляция 0,5 пайызды құрады - Д. Ақышев

АЛМАТЫ. ҚазАқпарат- Алматыда ҚР Ұлттық банкі төрағасы Данияр Ақышевтың қатысуымен баспасөз мәслихаты басталды. Онда бас банкир қазіргі таңда қаржы нарығындағы қалыптасқан ахуалға баға бере келіп, алдымен еліміздегі инфляция көлемін мәлім етті.

«2016 жылғы мамыр айында инфляция 0,5 пайызды құрады. Өткен жылы осы кезеңде инфляция деңгейі 0,3 пайызды құраған болатын. Ал 2016 жылы қаңтар-мамыр айында инфляция деңгейі 4,2 пайыз болды. Жылдың басынан бастап, азық-түлік тауарларының бағасы 4,3 пайызға, азық-түлік тауарларына жатпайтын тауарлар 4,2 пайызға, ақылы қызмет көрсету 4 пайызға өсті», - деді Д. Ақышев.

Айта кетелік, өткен мамыр айында азық-түлік тауарлары 0,4 пайызға, азық-түлікке жатпайтын тауарлар 0,7 пайызға қымбаттады. Ақылы қызмет көрсету тарифтері 0,5 пайызға өскен.