2017 жылы Қарағанды облысында 18 мал қорымы салынбақ

ҚАРАҒАНДЫ. ҚазаАқпарат - Қарағанды облысының әкімдігінде өткен аппарат кеңесінде өңірдегі эпизоотикалық жағдай талқыланды, деп хабарлады «ҚазАқпарат» ХАА тілшісі.

«Бүгінде облыс елді мекендерін мал қорымымен қамтамасыз ету күн тәртібінде тұрған мәселелердің бірі болып отыр. Қазіргі уақытта өңірлермен бірлесіп, типтік мал қорымдарын салуға бюджеттік өтінім дайындалды», - деп баяндады облыстық ветеринария басқармасының басшысы Бауыржан Асанов.

Ол 2017 жылы он ауданның әрқайсысына екі-екіден - жаңа 18 қорым салуды жоспарлап отырғандығын атап өтті. Есеп бойынша, бұған 180 млн теңге қажет. Бір нысанның құны - 10 млн теңге. «Облыс аумағында кадастрда тіркелген 135 ошақта түйнемеден қырылған 51 мал көмілгені анықталды. 7 ошақ бойынша АШМ-ға республикалық кадастрдан алып тастау туралы хат жіберілді. Себебі оларда түйнемеден қырылған малды  көму анықталмады», - деп хабарлады ол.

- Аудандар Мемлекеттік жер кадастрының автоматтандырылған ақпараттық жүйесінің деректерін одан әрі енгізе отырып, жерге акті алу үшін жұмыстарды ұйымдастыру қажет. Облыс әкімі Нұрмұхамбет Әбдібеков бесжылдық кезеңде мал қорымдары мәселесін толықтай шешу міндетін қойды. «Бұл шығынды шаруашылық. Бұдан басқа, алдымен құрылысты салып, сосын оны дұрыс пайдалану қажет, мұны біртіндеп шешеміз», - деп атап өтті ол.

Ветеринария басқармасының мәліметтеріне сәйкес, Қарағанды облысында қазір 107 мал қорымы бар. Оның ішінде 11-і типтік болса, 63-і - қарапайым.