2023 жылы туризм пандемияға дейінгі деңгейге қайта оралады - UNWTO болжамы

None
БАКУ. ҚазАқпарат - БҰҰ Дүниежүзілік туристік ұйымының (UNWTO) есебінше, 2022 жылы 900 миллионнан астам турист халықаралық саяхатқа шыққан, бұл бір жыл бұрынғы көрсеткіштен екі есе көп, деп хабарлайды ҚазАқпарат.

UNWTO жаңартылған деректеріне сәйкес жаһандық туризм пандемияға дейінгі деңгейден 63% қалпына келген. Сонымен қатар, халықаралық туристер санының өсуі әлемнің әр елінде әртүрлі.

«Ең жоғары өсім Таяу Шығыста байқалды, мұнда келушілер саны 83%-ға дейін өсті, екінші орында Еуропа, онда халықаралық туризм 2019 жылы пандемияға дейінгі деңгейдің 80% дерлік құрады. Ең төменгі өсім Азия-Тынық мұхиты аймағында байқалды, мұнда карантиндік шектеулердің күшейтілуіне байланысты көрсеткіш небәрі 23%-ды құрады», - деп хабарлайды UNWTO.

Ұйым экономикалық қиындықтар мен геосаяси қиындықтарға қарамастан, халықаралық туризмді қалпына келтіру 2023 жыл бойы жалғасады деп болжайды.

Сондай-ақ құжатта бұл салада көп мәселе қытайлық туристердің саяхатын қалпына келтіруге байланысты болатыны атап өтіледі, өйткені ҚХР 2020 жылға дейін әлем бойынша туризм нарығындағы ең ірі ел. Атап айтқанда, ондағы туризмнің қалпына келуі әлемдегі, әсіресе Азия-Тынық мұхиты аймағындағы туризм секторының қалпына келуіне оң әсер етеді.

UNWTO мәліметінше, Еуропа әлі де АҚШ-тан келетін үлкен туристік ағынды пайдаланады. UNWTO-ның 2023 жылға арналған болжамды сценариіне сәйкес, АҚШ долларына қатысты еуроның әлсіреуіне байланысты биылғы жылы халықаралық туристер саны пандемияға дейінгі деңгейдің 80-95% жетуі мүмкін. Алайда, бұл экономикалық құлдырау дәрежесіне, Азия-Тынық мұхиты аймағындағы туризмді қалпына келтірудің жалғасуына және Шығыс Еуропадағы қақтығыстардың дамуына байланысты.


Соңғы жаңалықтар
telegram