2024 жылғы Нобель сыйлығының бейбітшілік саласындағы иегері белгілі болды

АСТАНА.KAZINFORM - 2024 жылғы Бейбітшілік саласындағы Нобель сыйлығы ядролық қарудан азат әлем құруды жақтағаны үшін жапондық Nihon Hidankyo ұйымына берілді.

 Nihon Hidankyo
Фото: South China Morning Post

- Бұл Хиросима мен Нагасакидегі (1945) атом бомбалауын бастан өткерген адамдардың қозғалысы ядролық қарусыз әлемді құруға бағытталған күш-жігері үшін және ядролық қаруды ешқашан қайта қолдануға болмайтындығы туралы дәлелдер көрсеткені үшін бейбітшілік сыйлығымен марапатталды,-делінген ұйымдастырушы комитеттің баспасөз хабарламасында.

2024 жылы Нобель сыйлығы табысталғандар:

  • физика саласындағы ғалымдар Джон Хопфилд пен Джеффри Хинтонға ЖИ көмегімен машиналық оқыту ойлап тапқаны үшін;
  • медицина саласында америкалық Виктор Эмброс пен Гэри Равканға микроРНҚ – гендік реттеудің маңызды элементін ашқаны үшін;
  • химия саласында Дэвид Бейкер, Демис Хассабис және Джон М. Джамперге ақуыз құрылымдары бойынша жасаған жұмысы үшін;
  • әдебиет саласында Хан Ганға «тарихи ауыртпалықтар мен адам өмірінің нәзіктігін зерттейтін поэтикалық прозасы үшін» берілді.
Соңғы жаңалықтар