2024 жылы Испанияда жұмыссыздық деңгейі төмендеді

АСТАНА.KAZINFORM — Испанияда тіркелген жұмыссыздар саны 2024 жылдың соңында өткен жылдың басымен салыстырғанда 5,42 пайызға азайды. Бұған елдің Еңбек және әлеуметтік экономика министрлігінің жұма күні жариялаған мәліметі дәлел, деп жазады Синхуа.

Бұған дейін министрлік желтоқсан айында елдегі жұмыссыздар саны 25 300 адамға азайғанын, жалпы жұмыссыздар саны 2 560 718 адамды құрағанын хабарлаған.

Сонымен қатар, 2024 жылдың соңғы айында Испанияның әлеуметтік қамсыздандыру жүйесінде тіркелген адамдар саны 42,700-ге өсті, ал тіркелген жұмыс істейтін азаматтардың саны 21 миллионнан астамға жеткен.

— 2025 жылды жақсы жаңалықтармен бастаймыз. Біз жұмыссыздық деңгейін тағы да төмендеттік. Енді жаңа Испанияға қарай алға жылжуды жалғастырамыз, — деді Еңбек министрі Йоланда Диас.

Оң жаңалық Экономикалық істер министрі Карлос Куэрпо жергілікті БАҚ-қа елдің ЖІӨ 2025 жылы 2,5 пайызға өсетінін айтқаннан екі күн өткен соң келді.

— Испания 2025 және 2026 жылдары Еуропадағы экономикалық өсудің қозғалтқышы болып қала береді, — деді Куэрпо.

Еске сала кетейік, бұған дейін құқық қорғаушылар 2024 жылы Испанияға барар жолда мыңдаған адам қаза болғанын хабарлағанын жазған болатынбыз.