21 қыркүйекте астанада өтетін маңызды оқиғалар андатпасы

АСТАНА. KAZINFORM — Kazinform халықаралық ақпарат агенттігі 21 қыркүйек күні елордада өтетін маңызды шаралар андатпасын ұсынады.

9.00-де Ақтөбе, Атырау және Жамбыл облыстары диқандарының ауыл шаруашылығы жәрмеңкесі басталады.  

Өтетін орны: Қарқаралы тасжолы.

10.00-де Зағиптардың үстел теннисі федерациясы Қазақстан Республикасында ресми тіркелген саяси партиялар арасында «Партия күші — бірлікте, көз жанары — жүректе» қайырымдылық турнирін өткізеді. 

Өтетін орны: Әлихан Бөкейхан көшесі, 25Г.

10.00-де Астанада бұрын-соңды болмаған «САТҚЫНДАР» науқаны басталады. Бұл — синтетикалық есірткі насихаттаушылардың үстемдігіне қарсы халық қарсылығы. Екі мыңнан астам адам жиналып, немқұрайлықты тоқтатуды талап етеді.

Өтетін орны: Қажымұқан, 9/1.

11.00-де Астанадағы Қазақстан халқы Ассамблеясының ұйымдастыруымен «Ұлттық құндылықтар — ұлт қазынасы» бірегей фестивалі ұйымдастырылады.  

Өтетін орны: «Думан» қонақ үйі.

11.00-де бүкіл отбасына арна лған PRO.NRG FEST 2024 үшінші ғылыми-көпшілік фестивалінің ресми басталуы құрметіне «Tabigat & Science» шарасы болады. 

Өтетін орны: Мәңгілік Ел даңғылы, 55/18.

11.00-де «Әлеуметтік жобалар қоры» корпоративтік қоры Дүниежүзілік тазалық күні жаһандық тазалық акциясы аясында World Cleanup Day экологиялық акциясын өткізеді.

Өтетін орны: Астана Талдыкөл көлі.

12.00-де қала тарихындағы бірінші халықаралық желкенді регата ұйымдастырылады.

Өтетін орны: Орталық саябақтағы қалалық жағажай.

13.00-де жастар фестивалі You Fest.

Өтетін орны: Тұран, 57.