21 жасқа толмаған қазақстандықтарға Шарм-эль-Шейхке ата-анасыз баруға тыйым салынады
АСТАНА. KAZINFORM – Қазақстан азаматтары үшін Шарм-эль-Шейхке кіру ережелері өзгерді. Бұл туралы FlyArystan әуе компаниясы хабарлайды.
- 2025 жылғы 1 қазаннан бастап 21 жасқа толмаған жолаушыларға ата-анасының немесе жақын туысынсыз Шарм-эль-Шейхке баруға тыйым салынады, - делінген хабарламада.
Егер сапарға ата-әжесі, 21 жастан асқан ағасы не әпкесімен барса, нотариалды расталған сенімхат талап етіледі. Сенімхат орыс тілінде қабылданады. Сонымен қатар өзімен бірге төлқұжат пен туу туралы куәлік болуы тиіс.
FlyArystan чартерлік рейстерінің жолаушыларына, туристік пакетпен саяхаттайтындарға (яғни қонақүйді қоса қамтитын) қосымша талаптар немесе өзгерістер енгізілмейді. Барлық сапар әдеттегі тәртіппен – визасыз жүзеге асырылады.
Айта кетейік, 2026 жылы «Алматы-Токио» тікелей әуе рейсі ашылады.
Бүгін белгілі болғандай, Қазақстан мен Иордания арасында тікелей әуе рейсі ашылуы мүмкін.
