13:38, 31 Наурыз 2015 | GMT +5
22 адам уланған мейрамхана үстінен қылмыстық іс қозғалды
АСТАНА. ҚазАқпарат - Астана қалалық Ішкі істер департаменті тамақтан уланғандар фактісі бойынша мейрамхана басшылығы үстінен қылмыстық іс қозғады.

ІІД-нің баспасөз қызметінен хабарланғандай, 28-31 наурыз аралығында Астана ауруханаларына «сальмонеллез» диагнозы бойынша 22 адам түскен.
Аталған факті бойынша, Астана қалалық ІІД 2015 жылдың 29 наурызында ҚР ҚК-нің 304 бабының 1 бөлімі («Абайсызда адамдардың улануына әкеліп соқтырған санитарлық нормалар мен гигиеналық нормативтерді бұзу») бойынша қылмыстық іс қозғады. Тергеу амалдары жүргізілуде.