22 желтоқсан күні Қазақстанда өтетін маңызды шараларға шолу
АСТАНА
Сағат 09.00-де «ASTANA HUB» халықаралық ІТ стартаптар технологиялық паркінде Қаржы вице-министрі Руслан Еңсебаев Қаржы министрлігі ұсынатын мемлекеттік қызметтерді алуда белгілі бір қиындықтар мен проблемалық мәселелерді талқылау үшін «DIGITAL ARENA» алаңына шақырады.
Сағат 10.30-да «Динамо» ФСО спорт кешенінде Қазақстан Республикасының Ішкі істер министрлігі «Қазақ күресі» байқауын өткізеді.
Сағат 11.00-де ҚР Ұлттық музейінде Мәдениет және спорт министрі Арыстанбек Мұхамедиұлының қатысуымен Қазақстанның киелі жерлері энциклопедиясының екінші томы және оның электронды нұсқасы таныстырылады.
Сағат 18.00-де «Астана Балет» театрында «Шақылдақ қыз» атты үш актілі балет кеші өтеді.
АЛМАТЫ
Сағат 10.00-де Алматы әкімі аппаратының ғимаратында Алматы қаласы әкімінің орынбасары А.Қырықбаевтың төрағалық етуімен Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының орынбасары О.Бектеновтың қатысуымен «Алматы - адалдық алаңы» жобалық кеңсесі ашылады.
Сағат 11.00-де «ATAKENT» алдында «WINTER FAMILY PARTY» ірі отбасылық фестивалі өтеді. Онда екі күн ішінде еркін және қоғамдық іс-шаралар сериясы ұйымдастырылады. Фестиваль Алматы әкімдігінің қолдауымен өткізіледі.
ҚЫЗЫЛОРДА
Сағат 08.00-13.00 аралығында Қызылорда қаласындағы Астана даңғылы бойында Жаңақорған ауданының ауылшаруашылық өнімдері жəрмеңкесі өтеді.