23 қыркүйек. Тұлғалар туған күн
Бүгін, 23 қыркүйек күні тұлғалардан кімдер дүниеге келген? Kazinform оқырмандарына есімдер күнтізбесін ұсынады.
ЕСІМДЕР
63 жыл бұрын (1961) профессор, медицина ғылымдарының докторы, Қазақстан Республикасы Мемлекеттік «Дарын» сыйлығының лауреаты, хирург Нұрлан Мұхтарұлы АРЫН дүниеге келді.
Алматы қаласының тумасы. С.Д. Асфендияров атындағы Алматы мемлекеттік медицина институтының педиатрия факультетін бітірген, педиатр (1984).
Еңбек жолы: балалар хирургиясы бойынша интернатура, Алматы облысы Кеген орталық аудандық ауруханасында хирург дәрігер (1984-1985); Алматы мемлекеттік медицина институтында балалар хирургиясы бойынша клиникалық ординатура (1985-1987); Алматы қаласындағы №1 қалалық балалар клиникалық ауруханасының жедел хирургия бөлімшесінің хирург дәрігері (1987 жылдан); С.Д. Асфендияров атындағы Алматы мемлекеттік медицина институтының Орталық ғылыми-зерттеу зертханасының балалар жүйке жарақаттары зертханасының кіші ғылыми қызметкері (1989-1990); С.Д. Асфендияров атындағы Алматы мемлекеттік медицина институтының балалар хирургиясы кафедрасының ассистенті (1990-1994); А.Н. Сызғанов атындағы хирургия ғылыми орталығының аға ғылыми қызметкері, жетекші ғылыми қызметкері, өкпе хирургиясы және жалпы балалар хирургиясы кафедрасының меңгерушісі (1994-1998); А.Н. Сызғанов атындағы хирургия ғылыми орталығының кеуде-абдоминальды хирургия бөлімшесінің меңгерушісі (1998-2003); «Мейірім» көпсалалы медицина орталығы («ҚазМұнайГаз» ҰК АҚ, Астана) директорының емдеу ісі жөніндегі орынбасары (2003-2005).
2002 жылы балалар хирургиясы бойынша ғылыми жұмыстар топтамасы үшін Қазақстан Республикасы Мемлекеттік «Дарын» сыйлығының лауреаты атағы берілді. 2005 жылы «Қазақстандағы ғылымды дамытқаны үшін» медалімен марапатталған.
42 жыл бұрын (1982) ҚР АФМ Астана қаласы бойынша Экономикалық тергеу департаментінің бастығы Данияр Дуппайұлы ӘЛИЕВ дүниеге келді.
Оңтүстік Қазақстан облысының тумасы.
Ұлттық қауіпсіздік комитетінің академиясын (2004); Қазақ экономика, қаржы және халықаралық сауда университетін (2016); Ресей Федерациясы Президентінің жанындағы Ресей халық шаруашылығы және мемлекеттік басқару академиясын (2020) бітірген.
Еңбек жолы: Қазақстан Республикасы Ұлттық қауіпсіздік комитеті органдарындағы қызмет (2004-2015); Сотқа дейінгі тергеп-тексеру департаментінің Қаржы саласындағы құқықбұзушылықтарды тергеу бөлімінің бастығы (2015); Қазақстан Республикасы Қаржы министрлігі Мемлекеттік кірістер комитетінің Астана қаласы бойынша Мемлекеттік кірістер департаменті басшысының орынбасары (2015-2019); Қаржы мониторингі комитетінің Нұр-Сұлтан қаласы бойынша Экономикалық тергеу бөлімі басшысының міндетін атқарушы (2019 ж.); Маңғыстау облысы бойынша Экономикалық тергеу департаментінің басшысы (2019-2022).
Қазіргі қызметін 2024 жылдың наурыз айынан бері атқарып келеді.
ІІ-дәрежелі «Айбын» орденімен, «Жауынгерлік ерлігі үшін» медалімен марапатталған.
40 жыл бұрын (1984) «PSA» ЖШС бас директоры Бекет Теміртайұлы ІЗБАСТИН дүниеге келді.
Екі жоғары білімі бар: халықаралық қатынастар; мұнай-газ ісі.
Еңбек жолы: жеке мұнай-газ компаниясында қызмет атқарды, Энергетика және минералдық ресурстар министрлігінің сарапшысы; Қазақстан Республикасы Энергетика және минералды ресурстар министрлігі Жер қойнауын пайдалану департаментінің бөлім бастығы, директордың орынбасары, директоры.
«Мұнай-газ өнеркәсібін дамытуға қосқан үлесі үшін» медалімен және «Құрмет» орденімен марапатталған.
40 жыл бұрын (1984) Абай облысы Мақаншы ауданының әкімі Дәурен Бақытжанұлы ҚОЙГЕЛДИН дүниеге келді.
Алматы қаласында туған. Қазақ мемлекеттік заң академиясын «құқықтану» мамандығы бойынша (2005); Қазақ қаржы-экономикалық академиясын, «Қаржы» мамандығы бойынша (2010); Қазақстан Республикасы Президентінің жанындағы Мемлекеттік басқару академиясын бітірген (2011).
Еңбек жолы: Көкпекті ауданы мәслихаты аппаратының бас маманының міндетін атқарушы (2006); Көкпекті ауданы мәслихаты аппаратының бас маманы (2006-2008); Көкпекті ауданы мәслихаты аппаратының бөлім басшысы (2008-2009); Көкпекті ауданы мәслихаты аппаратының басшысы (2009-2011); ШҚО Көкпекті ауданы К.Аухадиев атындағы ауылдық округінің әкімі (2011-2018); Абай облысы Көкпекті ауданы әкімінің орынбасары (2018-2024).
2024 жылдың ақпан айынан бастап қазіргі қызметінде.
