23 тамыз. Тұлғалар туған күн
Бүгін, 23 тамыз күні тұлғалардан кімдер дүниеге келген? Kazinform оқырмандарына есімдер күнтізбесін ұсынады.
ЕСІМДЕР
81 жыл бұрын (1944) қазақ ақыны, Қазақстанның еңбек сіңірген қайраткері, Қазақстан Республикасы Мемлекеттік сыйлығысының лауреаты Ақұштап БАҚТЫГЕРЕЕВА дүниеге келді.
Батыс Қазақстан облысы Ақжайық ауданы Ақжайық ауылында туған. 1966 жылы Қазақ мемлекеттік қыздар пединститутының филология факультетін тәмамдаған.
Еңбек жолы: 1966-1971 жылдары Орал облыстық «Орал өңірі», Талдықорған облыстық «Октябрь туы», республикалық «Қазақ әдебиеті» газеттерінде әдеби қызметкер, 1971-1972 жылдары «Қазақфильм» киностудиясында редактор, 1972-1975 жылдары «Жұлдыз» журналында әдеби қызметкер, 1975–1981 жылдары «Жазушы» баспасының аударма редакциясында редактор болған. Қазақстан Жазушылар одағының Батыс Қазақстан облыстық филиалының директоры болды.
Тұңғыш өлеңдер жинағы «Өрімтал» 1967 жылы жарық көрді. «Наз» (1969), «Қанышым — іңкәрім» (1971), «Сені ойлаймын» (1973), «Ақ қанат» (1975), «Бақыт әні» (1978), «Жайық қызы» (1980), «Белокрылая» (1981), «Ақжелең» (1985), «Сүмбіле» (1990) атты кітаптары басылып шықты. 2001 жылы «Ақ шағала» атты таңдамалы жыр жинағы, 2004 жылы «Лебединая верность» атты жинағы жарық көрген. С. Капутикян, В. Тушнова, А. Ахматова өлеңдерін қазақ тіліне аударған. Көптеген ән мәтіндерінің авторы.
Құрмет» (2005) орденімен; «Қазақстан Республикасының тәуелсiздiгiне 10 жыл» (2001), «10 жыл Астана» (2008), «Қазақстан Республикасының тәуелсiздiгiне 20 жыл» (2011), «Қазақстан Конституциясына 20 жыл» (2015), «Қазақстан Республикасының тәуелсiздiгiне 25 жыл» (2016), «20 жыл Астана» (2018) медальдарімен; «Тіл жанашыры» (2008), «Қазақстан Республикасының полициясына 20 жыл» (2015), «Желтоқсан оқиғасына — 30 жыл» (2016) төсбелгілерімен марапатталған.
76 жыл бұрын (1949) мемлекет қайраткері, Қазақстан Республикасы Парламенті Сенатының жанындағы Сенаторлар кеңесінің мүшесі Ақан Құсайынұлы БІРЖАНОВ дүниеге келді.
Қазақ политехникалық институтын, Алматы жоғары партия мектебін бітірген. Инженер-электрик, саясаттанушы. Саяси ғылымдар докторы. Саяси ғылымдар академиясының вице-президенті. Алматы қаласы әкімінің орынбасары болып қызмет істеген. Қазақстан Республикасы Президентінің жанындағы Ұлттық Кеңестің мүшесі.
2005-2017 жылдары ҚР Парламенті Сенатының депутаты. 2017 — 2021 жылдары — «Философия, саясаттану және дінтану институты» РМК директоры. Алматы қалалық ардагерлер кеңесінің төрағасы (2021 жылдан бері).
«Құрмет» орденімен, ТМД ПАА «Содружество» орденімен, жеті медальмен марапатталған.
62 жыл бұрын (1963) Ақтөбе облысы Ауыл шаруашылығы басқармасының басшысы Асқар Қазиханұлы ЖҮСІПБАЛИЕВ дүниеге келді.
Ақтөбе облысы, Ойыл ауданы, Үйіл ауылында туған. Батыс Қазақстан ауыл шаруашылығы институтын «Агроном» мамандығы бойынша бітірген. Алматы экономика және статистика академиясы, «Экономист» мамандығы; Қ.Жұбанов атындағы Ақтөбе өңірлік мемлекеттік университетін «Құқықтану» мамандығы бойынша бітірген.
Еңбек жолы: 1987-1991 жылдары агроном-тұқымшы, Хобдин аудандық партия комитетінің нұсқаушысы, 1991-1998 жылдары Хобдинский Ресей ауыл шаруашылығы басқармасының бас агрономы, бастығының орынбасары, 1998-2007 жылдары «Бестау» ЖШС директоры, 2007-2008 жылдары Ақтөбе облысының жер қатынастары басқармасы басшысының орынбасары, 2008-2011 жылдары ҚР Жер ресурстарын басқару агенттігінің Ақтөбе және Батыс Қазақстан облыстары бойынша өңіраралық жер инспекциясының басшысы, 2011-2016 жылдары Ақтөбе облысы Хобдин ауданының әкімі, 2016-2018 жылдары Ақтөбе облысы Темір ауданының әкімі қызметтерін атқарды.
2025 жылдың қаңтар айынан бері қазіргі қызметінде.
58 жыл бұрын (1967) Қазақстан Республикасы Парламенті Сенаты Төрағасының орынбасары Ольга Валентиновна ПЕРЕПЕЧИНА дүниеге келді.
Солтүстік Қазақстан облысында туған. Қорған ауыл шаруашылығы институтын экономика және ауыл шаруашылығын ұйымдастыру мамандығы бойынша бітірді (1989).
Еңбек жолы: «Новокаменский» совхозының экономисі (1989-1992); агрофирманың бас экономисі (1992-1996); Қызылжар аудандық қаржы басқармасының басшысы (1996-2002); Солтүстік Қазақстан облысындағы статистика департаменті басшысының орынбасары, басшысы (2011-2014); Қазақстан Республикасы Парламенті Сенатының депутаты, Қаржы және бюджет Комитетінің мүшесі (2014-2020). Қазақстан Республикасы Парламенті Сенатының депутаты, Қаржы және бюджет комитетінің төрағасы (2017-2022).
2022 жылдың қаңтар айынан бастап қазіргі қызметінде.
«Құрмет» ордені (2016); «Қазақстан тәуелсіздігіне 10 жыл», «Қазақстан Конституциясына 10 жыл», «Қазақстан Тәуелсіздігіне 20 жыл» медальдарының иегері.
40 жыл бұрын (1985) Түркістан облысы ауыл шаруашылығы басқармасының бастығы Файзулла Мұстафинұлы БАЙДУЛЛАЕВ дүниеге келді.
Шымкентте туған. ОҚМУ «банк ісі» мамандығы бойынша, Шымкент университетін «заңгер» мамандығы бойынша бітірген.
Еңбек жолы: Альянс Банк жүйесінде жұмыс (2005-2009); «Аграрлық несие корпорациясы» АҚ Оңтүстік Қазақстан облысы бойынша кеңесші, бөлім басшысы (2009-2016); «Аграрлық несие корпорациясы» АҚ Түркістан облысы бойынша филиалы директорының орынбасары (2016-2019); «Аграрлық несие корпорациясы» АҚ Түркістан облысы бойынша филиалының директоры (2019-2022); Ордабасы ауданы әкімінің кеңесшісі (2022); Түркістан СПК басқарма төрағасы (2022-2025).
2025 жылдың ақпан айынан бастап қазіргі қызметінде.
