23 тамызда күн жаңбырлы болады

АСТАНА. KAZINFORM — Қазгидромет синоптиктері 23 тамыз, жұмаға арналған ауа райы болжамын жариялады. 

Оған сенсек, солтүстік-батыс циклонының әсерінен Қазақстанның көп бөлігінде ауа райының тұрақсыз сипаты сақталады.

Найзағай жарқылдап, жаңбыр жауады.

Елдің солтүстік-батысында, солтүстігінде қатты жаңбыр жауып, күндіз бұршақ болады.

Тек батыста, оңтүстікте, қиыр оңтүстік-шығыс пен шығыста жауын-шашынсыз ауа райы күтіледі.

Республика бойынша жел күшейеді, елдің солтүстігінде, солтүстік-батысында түнде және таңертең тұман түседі. 

Елдің барлық дерлік өңірінде төтенше және жоғары өрт қаупі бар.