23:42, 01 Қаңтар 2015 | GMT +5
24 жастағы қызылордалық Атырауда бірнеше пәтерді тонаған
АТЫРАУ. ҚазАқпарат - 31 желтоқсан күні Атырауда полиция қызметкерлері бірнеше пәтерді тонаған ұрыны ұстады, деп хабарлады ҚазАқпарат тілшісіне облыстық ІІД баспасөз қызметінің жетекшісі Гүлнәзира Мұхтарова.
«Ұсталған күдікті Қызылорда облысының 24 жастағы тұрғыны болып шықты. Атырауда ол пәтерлерді тонаумен айналысқан. Ұсталған сәтте одан зергерлік бұйымдар мен тондар табылды. Әзірге оның 7 рет тонау қылмысына қатысы бары бұлтартпай дәлелденіп отыр. Тергеу амалдары жалғастырылуда», - деп нақтылады Г.Мұхтарова.