26 сәуірде елордада өтетін маңызды шаралар аңдатпасы

НҰР-СҰЛТАН. ҚазАқпарат – «ҚазАқпарат» халықаралық ақпарат агенттігі 26 сәуір күні елордада өтетін маңызды шаралар аңдатпасын ұсынады.

10.00-де Үкімет үйінде кезекті Үкімет отырысы өтеді. Күн тәртібінде импорт алмастыруды дамыту, өрт қаупі бар кезеңге дайындық тақырыбы қаралады.

15.00-де Нұр-Сұлтан қаласында «AMANAT» партиясының партияның кезектен тыс XXIII Съезі өтеді. Шара барысында «ADAL» саяси партиясының «AMANAT» партиясына қосылуы мәселесін қарау жоспарланып отыр.

15.00-де ҚР Ұлттық академиялық кітапханасында геральдикалық зерттеулер орталығы және Еуразия ұлттық университетімен бірлесіп, Мемлекеттік рәміздердің 30 жылдығына орай Елтаңба авторы, профессор, «Барыс» орденінің иегері, сәулетші Жандарбек Мәлібекұлымен рухани-патриоттық кездесу өткізеді.

19.00-де Discovery Space коворкинг-орталығында «Мама, мен тірімін» көркем фильмінің жабық көрсетілімі өтеді.

19.00-де Қ. Қуанышбаев атындағы Мемлекеттік академиялық қазақ музыкалық драма театрында «Қорғансыздың күні» драмасы қойылады.

19.00-де Жастар театрында «Өмір» драмасы көрсетіледі.