2720 жылға қарай Жапонияда 14 жасқа толмаған бір ғана бала қалады — ғалымдар

АСТАНА. KAZINFORM — Жапонияда туу деңгейі қазіргі деңгейде жалғаса берсе, 2720 жылдың 5 қаңтарына қарай елде 14 жасқа толмаған бір ғана бала болады, деп жазады The Japan Times.

Мұндай болжамды Тохоку университетінің профессоры Хироси Ёсида айтты.

Есептеулер өткен жылдың сәуір айындағы балалар саны мен ағымдағы балалар саны арасындағы айырмашылық ретінде есептелетін балалар санының жыл сайынғы төмендеу қарқынына негізделген.

Жапонияда туу көрсеткіші жылдам төмендеп келеді. Денсаулық сақтау министрлігінің соңғы мәліметтеріне сәйкес, туу коэффициенті 2023 жылы рекордтық деңгейге дейін төмендеді — 1,20.

Бұл құлдыраудың негізгі себептерінің бірі — неке санының төмендеуі. Осы демографиялық сынаққа қарсы тұру үшін билік жастарды некеге тұруға ынталандыруға бағытталған түрлі шараларды қарастырып жатыр.

Бұған дейін Токио демографиялық дағдарысты шешу үшін мемлекеттік қызметкерлерге 4 күндік жұмыс аптасын енгізуді жоспарлап отырғаны хабарланған.