28 маусым. Тұлғалар туған күн
Бүгін, 28 маусым күні тұлғалардан кімдер дүниеге келген? Kazinform оқырмандарына есімдер күнтізбесін ұсынады.
67 жыл бұрын (1957) «Қазақстан халқына» қоғамдық әлеуметтік қорының төрағасы Болат Бидахметұлы ЖӘМІШЕВ дүниеге келді.
Талдықорған (қазіргі Алматы) облысында туған. 1981 жылы Қазақ ауыл шаруашылығы институтын, Қазақ экономика және АӨК ұйымдастыру ғылыми-зерттеу институтының аспирантурасын бітірген.
Еңбек жолы: 1981-1984 жылдары кеңшар агрономы, 1984-1992 жылдары Қазақ экономика және АӨК ұйымдастыру ғылыми-зерттеу институтының аспиранты, кіші ғылыми қызметкері, 1993-1997 жылдары Қазақстан Республикасының Ұлттық банкі перспективалық зерттеулер орталығының директоры, Зерттеулер және статистика департаменті директорының орынбасары, 1997-1999 жылдары Қазақстан Республикасы Еңбек және халықты әлеуметтік қорғау министрлігі Ұлттық зейнетақы агенттігінің директоры, Қазақстан Республикасы Еңбек және халықты әлеуметтік қорғау вице-министрі, 1999-2001 жылдары Қазақстан Республикасының Қаржы вице-министрі және бірінші қаржы вице-министрі, 2001-2002 жылдары Қазақстан Республикасының ішкі істер вице-министрі, 2002-2003 жылдары Қазақстан Республикасының Қаржы вице-министрі және бірінші қаржы вице-министрі, 2003-2004 жылдары ҚР Ұлттық банкі Төрағасының орынбасары, 2004-2006 жылдары ҚР Қаржы нарығы мен қаржы ұйымдарын реттеу және қадағалау агенттігінің төрағасы, 2006-2007 жылдары Еуразия Даму Банкі басқарма төрағасының орынбасары – Жобалау қызметі жөніндегі басқарушы директоры, 2007-2013 жылдары ҚР қаржы министрі, 2013-2014 жылдары ҚР өңірлерді дамыту министрі, 2014-2019 жылдары «Қазақстанның даму банкі» АҚ басқарма төрағасы, Қазақстанның ұлттық коньки федерациясының президенті, «Цеснабанк» АҚ тәуелсіз директоры, «First Heartland Jýsan Bank» АҚ директорлар кеңесінің мүшесі – тәуелсіз директоры болды. «Әлеуметтік медициналық сақтандыру қоры» КЕАҚ Директорлар кеңесінің төрағасы болды.
Қазіргі қызметінде 2022 жылдың қаңтар айынан бастап.
«Құрмет» (2005), «Парасат» (2011) ордендерімен марапатталған.
63 жыл бұрын (1961) «Ұлттық тау-кен ғылымдары академиясы» үкіметтік емес ұйымының президенті Нұрлан Бектасұлы РЫСПАНОВ дүниеге келді.
Павлодар облысы, Май ауданында туған. Ленинград су көлігі институтын «Инженер-механик» мамандығы бойынша бітірген.
Еңбек жолы: 1983-1984 жылдары жоғарғы Ертіс бассейндік жол дирекциясы жолының техникалық учаскесі тереңдеткіш слесарының көмекшісі, 1984-1985 жылдары Павлодар кеме жасау және жөндеу зауытының топ слесары, 1986-1989 жылдары Мәскеу су көлігі институтының аспиранты, Павлодар кеме жасау және жөндеу зауытының слесары, 1989-1990 жылдары Жоғарғы Ертіс өзен кеме қатынасы басқармасының өзен шаруашылығы қызметінің бастығы, 1990-1993 жылдары Павлодар техникалық университетінде аға оқытушы, аға ғылыми қызметкер, аға оқытушы, 1993-1996 жылдары Қазақстан Республикасы Авиация институтының «Машина жасау» Павлодар ғылыми-зерттеу орталығының директоры, 1996-1998 жылдары «MENAR» сауда-өнеркәсіптік компаниясы» ЖШС директоры, 1998-1999 жылдары Астана қаласы Энергетика, индустрия және сауда министрлігі Өнеркәсіп департаментінің директоры, 1999-2000 жылдары Энергетика және минералдық ресурстар министрлігі ауыр өнеркәсіп департаментінің директоры, 2001-2002 жылдары «ММС Тау-Кен» ЖШС бас директоры, 2002-2003 жылдары «Қазпром-Қызылорда» бас директоры, 2003-2004 жылдары Қызылорда облысы Өнеркәсіпшілер одағы кеңесінің төрағасы, 2004-2005 жылдары «Бетпақ Дала» БК» ЖШС бас директоры, 2005-2008 жылдары «Казпром-Неруд» консорциумының президенті, 2008-2009 жылдары «Самұрық-Қазына» Ұлттық әл-ауқат қоры» АҚ Тау-кен активтері дирекциясының басшысы, «Самұрық-Қазына» Ұлттық әл-ауқат қоры» АҚ Тау-кен және өнеркәсіптік активтер дирекциясының басшысы, 2009-2015 жылдары «Қазатомөнеркәсіп» ҰАК» АҚ өндіріс жөніндегі вице-президенті, Қазақстан Республикасы металл емес өнеркәсіп кәсіпорындары қауымдастығының президенті болды.
2018 жылдан бері қазіргі қызметінде.
82 жыл бұрын (1942-2020) Қазақстанның саяси және қоғам қайраткері Қалық Абдуллаұлы АБДУЛЛАЕВ дүниеге келді.
Шымкент (қазіргі Түркістан) облысы Леңгір ауданындағы (қазіргі Төле би ауданы) Қасқасу ауылында туған. 1958-1963 жылдары Ташкент политехникалық институтын (инженер-электрик мамандығы бойынша), ал 1985-1987 жылдары Мәскеу қаласындағы КОКП ОК Қоғамдық ғылымдар Академиясын, 1986-1987 жылдары Мәскеу қаласындағы КСРО Министрлер Кеңесі жанындағы Халық шаруашылығы Академиясын тәмамдады.
Еңбек жолын «Южказэнергоның» аудандық басқармасындағы инженер қызметінен бастады. 1969 жылы Республика энергетика министрлігінің аппаратына жаңадан ұйымдастырылған диспетчерлік бірлестік басқармасына энергетикалық тәртіп қызметінің бастығы қызметіне жіберілді. 1974 жылы «Южказэнерго» аймақтық басқармасында бас инженер, кейін басқарма бастығы қызметтерін атқарып, талап қойғыш, ұйымдастырушылық қабілеті жоғары басшы, білікті маман ретінде танылды. 1982 жылы Қазақ КСР Энергетика министрінің бірінші орынбасары қызметіне жоғарылатылды. 1986-1992 жылдар аралығында Қазақ КСР Министрлер Кеңесі төрағасының орынбасары, Республика Мемлекеттік жоспарлау комитетінің төрағасы, Қазақ КСР Министрлер Кеңесі төрағасының бірінші орынбасары, Республика Мемлекеттік жоспарлау комитетінің төрағасы, Премьер-министрдің орынбасары – Қазақ КСР Мемлекеттік экономикалық комитетінің төрағасы қызметін атқарды. 1992 жылдан 1995 жылға дейін Қазақстандық іскер ынтымақтастық орталығы «Атакент» акционерлік қоғамы басқармасының төрағасы болды. 1996-1997 жылдары ҚР Президентінің кеңесшісі қызметін атқарды. 1997-1999 жылдары Оңтүстік Қазақстан облысының әкімі болды. 2000 жылдан бері өзі құрған «Атакент» акционерлік қоғамы Директорлар Кеңесінің төрағасы болып келеді. Сондай-ақ, 2005 жылдан бері «Академик Ш. Шокин атындағы Қазақ ғылыми-зерттеу энергетика институты» акционерлік қоғамының басқарма төрағасы міндетін қоса атқарады.
Экономика ғылымдарының кандидаты, Қазақстан Республикасының Ұлттық инженерлік Академиясының және Халықаралық Инженерлік Академиясының академигі.
«Құрмет белгісі» орденімен марапатталды.
